Ubhekwe ngabomvu umcimbi womculo kaMaskandi wesishiyagalombili (8th) Impucuzelo Maskandi Festival ozoba senkundleni yezemidlalo i-Moses Mabhida People’s Park eThekwini ngoJulayi 20.
Abaculi abazobe bekhona kulomcimbi bezonandisa uKhuzani ‘Indlamlenze’ Mpungose, uShwi noMntekhala, uThokozani Langa,Qhosha,uNjoko,Dlubheke,Amageza Amahle,Jaiva kanye nabanye abaningi.
Kulindeleke izinkumbi zabalandeli bomculo kaMaskandi ezisuka ezindaweni ezahlukahlukene kuleli ukuba zizothamela lomcimbi omkhulukazi waminyakayonke obizwa nge- Impucuzelo Maskandi Festival
Abathandi bomculo kaMaskandi bayanxuswa ukuba bathenge amathikithi njengoba sekusele izinsuku ezinhlanu nje vo ukuba kufike usuku lomcimbi.
Isithombe sicashunwe ku: https://www.facebook.com/impucuzekomaskandi/
