Uqokelwe kwi-Ngoma awards ngengoma ayenza noSifiso Ncwane owaduma kuMlazi Gangster

Isambane News WhatsApp-Image-2018-07-21-at-00.54.03-200x300 Uqokelwe kwi-Ngoma awards ngengoma ayenza noSifiso Ncwane owaduma kuMlazi Gangster  Isambane

Isambane News WhatsApp-Image-2018-07-21-at-00.53.43 Uqokelwe kwi-Ngoma awards ngengoma ayenza noSifiso Ncwane owaduma kuMlazi Gangster  Isambane

Isambane News WhatsApp-Image-2018-07-21-at-00.54.03 Uqokelwe kwi-Ngoma awards ngengoma ayenza noSifiso Ncwane owaduma kuMlazi Gangster  IsambaneSamaJobe Zulu – Umdidiyeli womculo wokholo ophinde abe ngumculi, uqokelwe kwi-Ngoma Awards. ULindani Gumede, odabuka eMthwalume oGwini oluseNyakatho neKwaZulu Natal osezinze eGoli, uqokelwe emunxeni we-Best Collaboration ngengoma ayenza noSfiso Ncwane ongasekho ethi ‘Mayenzeke’. Uphinde waqokwa nakwi-Best Male Gospel Artist, uma uvota-ke uvoita kanje: ubhala ukuthi “Ingoma best collaboration Lindani Gumede” bese uthumela ku-45633, uphinde uthi “Ingoma best male gospel artist Lindani Gumede” uthumele ku-45633. Ukuvota kuvalwa ngomhlaka-11 August 2018.

“Ngijabule kakhulu ngoba kukhomba ukuthi umsebenzi engiwenzayo muhle,” kubeka yena kafushane. Uthi uyaqala ukungenela lama-awards, kanti sekungokwesibili engenela ama-awards ngoba ngonyaka odlule ungenele ama-SAVA okukuqala eqokelwe emunxeni we-Best male gospel artist wabuya nayo. Lo mcimbi uzoba mhla zingu-25 kuNcwaba (August) eLyric Theatre eGoli.

Uphinde waveza nezindaba ezithi uzodedela ingoma ekupheleni kwale nyanga, esihloko sithi ‘Thatha Indawo Yakho’. Abanaye ezinkundleni zokuxhumana ikakhulukazini-Facebook babe nenhlanhla yokuzizwela ngoba uke wafaka i-Video eyicula ezidlalela ugubhu ngenxa yokuthi ubengakayiqophi. Amanye amahlebezi athi usematasa noDeborah Fraser ekulindeleke ukuba akhiphe ngenyanga ezayo noma ngoMandulo (September), umthombo weSambane news ongashayi eceleni uthi uDeborah uqedela icwecwe lakhe, “Yebo basebenza ndawonye njengamanje, benza umlilo wodwa. Ngo-August noma September kumele baqede,” kubeka umthombo. Ebuzwa uLindani uthe abakasebenzi naye kodwa basaxoxa.

Related posts

Leave a Comment