Ama-Idols SA akhanseliwe ngemuva kweminyaka engu-21

UMnet umemezele ukuthi uhlelo lomculo oludumile i-Idols SA luzophela ngemuva kwamasizini angu-19.

Ivuselelwe kabusha i-Idols SA ngesizini ka-19 okuzoba isitolimende sayo sokugcina.

Emizamweni yokuveza isithombe esisha kulolu hlelo, uSomizi ubuyele esikhundleni sakhe njengejaji kusizini 18. UThembi Seete noJr Bogopa nabo bangenele lolu hlelo.

Isizini 18, ewinwe ngu-warrant officer we-SAPS, uThapelo Molomo, oneminyaka engu-29 ubudala, ihlangabezene nemibono ehlukene.

UMolomo uthole inkontileka yokuqopha neKalawa Jazmee Records. Ngaphezu kwalokhu, ubuye wahamba nomklomelo oncomekayo, imali engaphezu kuka-R1 million.

Umklomelo uhlanganisa u-R350 000 ku-akhawunti yakwaStandard Bank MyMo, u-R300 000 wakwaSpotify, u-R350 000 wakwaMzansi Magic, ukufinyelela kumphathi wengcebo yakwaStandard Bank, iToyota Starlet, ivawusha yemfashini yakwaTruworths nezimpahla zakhe zombukiso bukhoma, konke ngenani lika-R100000 kanye nezinsimbi zomculo zenani lika-R85000 ezivela kwa-Yamaha.