Owesifazane obebanjwa inkunzi ubaleke washayiswa yimoto ePhoenix

Kulimale owesifazane oneminyaka engu-40 ubudala ngemuva kokushayiswa yimoto ebalekela izigebengu ku-R102 ngasePhoenix KwaZulu-Natal namuhla.

I-Reaction Unit South Africa (RUSA) ithole ucingo lokucela usizo kowesifazane olimele cishe ngo-16:14 ntambama. Lapho befika, amalungu e-RUSA athole umuntu ohamba ngezinyawo eceleni komgwaqo. Ufakazi wazisa amaReaction Officers ukuthi abasolwa abathathu (3) baya kowesifazane. Oyedwa (1) wabesilisa ukhiphe ummese wafuna umakhalekhukhwini wakhe. Owesifazane ubalekile kodwa washayiswa yimoto yohlobo lweMazda CX3 enombala obomvu. Lezi zigebengu zithathe umakhalekhukhwini wakhe zabaleka. Abazibonele bakholelwa ukuthi abasolwa bayimilutha ye-Heroin.

Isisulu silimale kanzima sase sizinza endaweni yesigameko ngaphambi kokuba siphuthunyiswe esikhungweni sezempilo ngabezimo eziphuthumayo nge-ambulensi.